Аўтары

J. H. Krchovský (псэўданім, у вольным перакладзе “Цьвінтарскі”; сапраўднае імя – Іржы Гасэк) нарадзіўся ў 1960 г. у Празе. Пачаў пісаць пад уплывам Эгана Бонды й праскага андэрграўнду, з дваццаці гадоў публікаваўся ў самвыдаве. З 1989 г. выдаў зь дзясятак кніг вершаў, належыць да самых чытаных і любімых чэскім народам паэтаў. Адзін зь нешматлікіх сучасных аўтараў, якія трымаюцца традыцыйнай формы. Паэзія Крхоўскага вызначаецца саркастычным тонам, наўмысна ўскладнёнай вэрсыфікацыяй, шырокім выкарыстаньнем ненарматыўнай лексікі, “нэкрарамантычнай” тэматыкай, а ў апошні час усё часьцей – самастылізацыяй. 

Игорь Померанцев – нарадзіўся ў 1948 г. у Саратаве, вырас у заходнеўкраінскіх Чарнаўцах, з 1978 г. жыве ў эміграцыі. Аўтар кніг паэзіі «Почему стрекозы?» (1999), «Те, кто держали нас за руку, умерли» (2005), «КГБ и другие стихи» (2010), «Homo Eroticus» (2013).

Нарадзіўся ў 1964 г. у Кобрыні, скончыў філфак БДУ (1986 г.) Паэт, празаік, драматург, сябра-сузаснавальнік Таварыства вольных літаратараў. Аўтар кніг вершаў “Чарнабел” (1991), “Саната Арганата” (1993), “Моўкнасьць” (1997), зборніка прозы “Квадратная варона” (2000), п’есаў “Галава” (1992), “Плач, саксафон” (1995) і іншых, пераважна для дзяцей. Творы даступныя на старонцы http://kamunikat.org/Sidaruk_Ihar.html 

Adam Zagajewski – паэт, эсэіст, празаік, чалец рэдакцыі газэты "Zeszyty Literackie". Нарадзіўся ў 1945 г. у Львове, у 1968-м скончыў кракаўскі Ягелонскі ўнівэрсытэт (магістар псыхалёгіі), з 1982-га да 2002-га г. жыў у эміграцыі, выкладаў у Г’юстанскім, пазьней у Чыкагскім унівэрсытэце. Найноўшыя паэтычныя нізкі: “Powrót” (2003), “Anteny” (2006), “Niewidzialna ręka” (2009), “Asymetria” (2014).

Украінскі паэт, перакладнік. Нарадзіўся ў 1989 г. у Харкаве. Сузаснавальнік творчага аб'яднаньня "Письма на бетонных стенах" (2007-2011), што ладзіла рознаплянавыя літаратурныя акцыі й мерапрыемствы, у тым ліку на сутыку мастацтваў. Вершы і пераклады публікаваліся ў друкаваных і сеціўных выданьнях «Дети Ра», «Крещатик», «Новый берег», «Новая реальность», «Арт ШУМ», «Окно», «Станция мир», «Сетевая словесность».

Алексей Цветков (младший) родился в 1975 г., в 1997 г. закончил московский Литературный институт. Активист левого движения, марксист. Автор книг «The» (1997), «Сидиромов и другая проза» (1999), «TV для террористов» (2002), «Король утопленников» (2014 г.), «Маркс, Маркс левой!» (2015 г.) и других. Лауреат российских премий «Нон-конформизм», «Новая словесность», а также премии Андрея Белого за прозу (2014). Персональный сайт: https://alexeitsvetkov.wordpress.com

Алесь Емяльянаў-Шыловіч (Aleś Jemialianaū-Szyłowicz) — беларускі літаратар, бард, празаік, перакладчык, рэдактар літпартала Textura.by. Нарадзіўся ў 1987 годзе ў Крычаве, скончыў у 2013 г. біялагічны факультэт БДУ, жыве і працуе ў Мінску. Аўтар зборніка вершаў “Парасонечнасць”. Фіналіст конкурсаў беларускага ПЭН-цэнтра, конкурса “Экслібрыс” Саюза беларускіх пісьменнікаў. Друкаваўся ў часопісах “Дзеяслоў”, “Верасень”, “Маладосць”, “Тэрмапілы”, тыднёвіку “Літаратура і мастацтва”, альманаху “Тэксты”, калектыўных зборніках народнага клуба кампазітараў і паэтаў “Жывіца”, калектыўным зборніку “Geniush loci”. Творы перакладаліся на польскую, украінскую і сербскую мовы.

Алесь “Байсан” Плотка Лаўрэат і дыпламант беларускіх літпрэмій, паэт і перакладчык, аўтар кнігі “Байсан” і сімвала “Вершніца”. Нарадзіўся за савецкiм часам у Чарнобыльскай зоне. Характэрны выхадзец з гомельскага андэграўнду, песні на словы выконвалі Vopli Vidopliassova, Gods Tower, Naka, Yellow Brick Road Bigi і IvoryGod, удзельнiк гуртоў JazzLatex, Samadhi Boom і TerraKod. У супрацы з Уладам Бубенам выдаў два альбомы “лiчбавай паэзii” – Iamb’n’bass i Skweee Belarus, разам з Бубенам і Нарушэвічам – альбом Bulbahuana.

Flora Alejandra Pizarnik (1936-1972), аргентынская паэтка, пісьменьніца, эсэістка, перакладніца. Паходзіла з гэбрайскай сям’і з Роўна. Пісала пад уплывам сюррэалізму, сябравала з Картасарам і Пасам, з раньняй маладосьці была залежнай ад амфэтамінаў і наведвала псыхааналітыка. Праз два гады пасьля “лекаваньня” ў вар’ятні скончыла жыцьцё самагубствам.

Alejandro Jodorowsky Prullansky – рэжысёр, пэрформэр, пісьменьнік, псыхамаг, выкладальнік таро й многае іншае. Нарадзіўся ў 1929 г. у Чылі, у сям’і гэбрайскіх эмігрантаў паходжаньнем з Украіны й Беларусі (дзявочае прозьвішча маці – Пружанская). Маладосьць правёў у Сант’яго, дзе зь сябрамі займаўся “паэтычнымі актамі” й тэатрам, у 1952 г. зьехаў у Парыж “ратаваць сюррэалізм”. Працаваў харэографам і драматургам, супрацоўнічаў з Марысам Шэвалье й Марсэлем Марсо, вывучаў пантаміму. У 1960 г. зьехаў у Мэксіку, дзе распачаў кар’еру тэатральнага рэжысёра і ладзіў адныя зь першых пэрформансаў (“эфэмэраў”). Аўтар шэрагу культавых коміксаў (такіх як “Інкаль” або сторыборд да незавершанага фільма “Дзюна”, 1974), а таксама мастацкіх фільмаў: “Фандо і Ліс” (1962), “Крот” (1970), “Сьвяшчэнная гара” (1973), “Сьвятая кроў” (1989), “Танец рэальнасьці” (2013) і іншых.

Пісьменьнік, гісторык, нарадзіўся ў Нясьвіжы. Скончыў Гістарычны факультэт БДУ. Сябра беларускага ПЭН-цэнтру і незалежнага Саюзу беларускіх пісьменьнікаў. Жыў і працаваў у Мінску, пакуль не адважыўся зьехаць на сялібу, якая засталася ад бабулі. У суцэльнай адзіноце, аточаны хатнімі жывёламі, трусочкамі, у асяродзьдзі прыроды, застаўшыся сам-насам з сваімі думкамі, Бацкель піша кнігі, займаецца вытворчасьцю эка-ежы і напояў. Зь пераменным посьпехам падарожнічае і жыве, і працуе на эўрапейскіх творчых стыпэндыях. Аўтар раману “Мімікрыя. Дасьледаваньне чатырох стыхій на прыкладзе чатырох летуценьнікаў”, кніг кароткай прозы “Маёнтак рыбы” і “Яблыневы маёнтак”. Апошняя кніга ўвайшла ў лонг-ліст літаратурнай прэміі імя Ежы Гедройца.

Украінскі паэт, пісьменьнік, 1961 г. н. У 1989-м скончыў Маскоўскі Літаратурны інстытут. Адзін з удзельнікаў літаратурнай групы «Бу - Ба - Бу» (разам зь Юрыем Андруховічам і Віктарам Небараком). Аўтар кніг вершаў "Вогнішча на дажджы" (1987), "Цень вялікага клясыка і іншыя вершы" (1991) , "Вершы апошняга дзесяцігодзьдзя" (2001), "Любіце!.. " (2004) і інш. З пачатку 2000-х гадоў піша прозу і п'есы. 

Паэт, перакладчык. Нарадзіўся ў 1991 годзе ў Туле, дзе і жыве. У 2014 годзе скончыў навучанне ў Тульскім дзяржаўным універсітэце (палітэхнічны інстытут). Вершы друкаваліся ў часопісах "Маладосць", "Верасень", альманаху "Беларус", калектыўных зборніках. Фіналіст конкурсаў Беларускага ПЭН-цэнтра. Перакладае пераважна з англійскай мовы.

Нарадзіўся ў 1981 годзе ў Менску. Скончыў філфак БДУ (2003 г.), асьпірантуру пры Інстытуце літаратуры НАН Беларусі, абараніў дысэртацыю па паэтыцы Алеся Разанава. Па сканчэньні філфаку працаваў у Саюзе беларускіх пісьменьнікаў (кіраўнік справаў). У 2006-2012 гг. выкладаў беларускую мову ў БНТУ. Аўтар кніг “Вершnick”, “Паэтыка Алеся Разанава: між медытацыяй і рацыяй”, “Хай так”, “Анаталогія”. Фіналіст конкурсу Беларускага ПЭН-цэнтру імя Натальлі Арсеньневай (2003), ляўрэат прэміі “Залатая літара” (2005), конкурсу “Экслібрыс” (2014), прэміі «Дэбют» імя Максіма Багдановіча ў намінацыі “Проза” (2015). Вершы перакладаліся на балгарскую, грузінскую, літоўскую, нямецкую, польскую, расейскую мовы.

(Andrzej Bursa) Польскі паэт. Літаратурай займаўся ўсяго каля 3 гадоў. Ягоная паэзія поўная бунту, брутальнасьці і цынізму. Бурса апісвае рэчаіснасьць бескапрамісна і цалкам вольна ад хоць якіх установак. Нарадзіўся 21 сакавіка 1932 году ў Кракаве, памёр 15 лістапада 1957 году ўва ўзросьце дваццаці пяці гадоў.

Паэт. Нарадзіўся ў 1989 г. ў Мінску, дзе і жыве. Скончыў юрыдычны факультэт Беларускага дзяржаўнага ўніверсітэта. Стваральнік і галоўны рэдактар літаратурнага інтэрнэт-парталу «Textura.by», куратар беларускага аддзялення «Еўразійскага часопіснага партала «Мегаліт», праекта «Літаратурная серада ў музеі Петруся Броўкі». Публікаваўся ў калектыўным зборніку «Скрыпторый», альманаху «Мінская школа», часопісе «Новая Реальность» (Расія), лонг-лістэр паэтычнай «Прэміі Рускага Гулівера» (2014). Аўтар паэтычнай кнігі «Пружина» (2012), у выдавецтве «Свое издательство» (СПб.) рыхтуецца да выхаду другая кніга – «Звезды для одного».

Нарадзіўся напрыканцы 1970-х на Наваградчыне, напрыканцы 1990-х эміграваў у Чэхію, напрыканцы 2000-х вярнуўся ў Беларусь, дзе прапаў бязь вестак. Аўтар адзінай кнігі, аповесьці “Ўпырхлікі”, знойдзенай і апублікаванай Максам Шчуром (цалкам – “Запісы БІНіМ”, № 37, 2014; урывак першай часткі – “Архэ”, № 10 (131)-2014).

Паэт, празаік, перакладчык. Нарадзіўся (1984) і жыве ў Менску. Скончыў факультэт журналістыкі БДУ (2006). За кнігу паэзіі "Дзень паэзіі сьмерці дзень" (в. 2012) уганараваны прэміяй "Дэбют" беларускага ПЭН-цэнтру. Удзельнік міжнародных літаратурных фэстываляў (“Кіеўскія лаўры”, “Вялікае княства паэзіі”, "Вершы на асфальце" і інш.). Творы перакладзеныя на літоўскую, польскую, грузінскую і іншыя мовы. Ляўрэат прэміі Гедройца "трэцяй ступені" за навэлу "Таўсьціла і лешч" (в. 2015).

Нарадзіўся ў 1987 г. — чытач і часам перакладчык з ангельскай, украінскай і польскай.

Нарадзіўся ў 1953 г. у правінцыі Леон, з 1975 г. жыве ў Мадрыдзе. Паэт, празаік, эсэіст, сярод іншага – аўтар 18-томнага аўтабіяграфічнага праекту (дзёньніку) «Салён страчаных крокаў». Адзін зь нешматлікіх гішпанскіх паэтаў, якія арыентуюцца на клясычную традыцыю (Унамуно, Мачадо). Найноўшая ягоная паэтычная нізка - «Другая цямрэча» (2012).

Старонкі