Блянш К'юці

Blanche Cutie (Бланка Заічкава, псэўданім ёсьць вольным перакладам імя й прозьвішча на францускую й ангельскую) нарадзілася ў 1971 г. у Брне, вывучала жывапіс. Паэтка-(анты)фэміністка-“трэшэрка”, штось сярэдняе між І. Г. Крхоўскім і рэперкамі з брненскага гурта «Чокавока». Паводле ўласнага прызнаньня, ня можа не пісаць у рыфму, што адрозьнівае яе ад бальшыні сучасных «сур'ёзных» чэскіх паэтаў. Вершы ўзятыя зь ейнай пакуль адзінай кнігі «Сатну сабе галаву шыпом ружы» (2013).