Андрэй Хадановіч

Нарадзіўся ў 1973 г. у Менску, скончыў расейскае аддзяленьне філфаку БДУ й асьпірантуру пры БДУ. Паэт, аўтар кніг «Старыя вершы» (2003), «Лісты з-пад коўдры» (2004), «Сто лі100ў на tut.by» (2006), «Бэрлібры» (2008), «Несымэтрычныя сны» (2010). Перакладае з польскай, францускай, расейскай, украінскай, ангельскай і іншых моваў, пераважна паэзію. Бард, літаратуразнаўца, выкладчык францускай літаратуры, старшыня Беларускага ПЭН-цэнтру. 

Калі паэт
кратае краты,
не кажы:
“Як жа па-іншаму
гучаць
арфы!”

Калі плывеш наперакор,
Нясуць на шыбеніцу хвалі...
Ірляндзкі рамантызм памёр,
Яго з О’Ліры пахавалі.