Юльян Корнгаўзэр

Julian Kornhauser, нарадзіўся ў 1946 г. у Глівіцах — польскі паэт, празаік, эсэіст, літаратуразнаўца, славіст (прафэсар Ягелонскага ўнівэрсытэту ў Кракаве), перакладнік (з паўднёваславянскіх моў), аўтар твораў для дзяцей. Адзін зь яскравых прадстаўнікоў «новай хвалі» польскай паэзіі; разам з Адамам Загаеўскім, Ежы Кронгальдам ды шэрагам іншых — у 1968-75 гг. чалец літаратурнай групоўкі «Teraz». У 70-х гг. браў удзел у апазыцыйнай (антыкамуністычнай) грамадзкай дзейнасьці, трапіў пад перасьлед уладаў. Ляўрэат шэрагу літаратурных прэмій, ягоныя творы перакладаліся на ангельскую, баўгарскую, галяндзкую, нямецкую, сэрбскую, вугорскую, харвацкую мовы.