З гонарам паведамляем, што нашая даўняя мара зьдзейсьнілася: у «ЛітРАЖа» зьявілася свая электронная бібліятэчка! Пакуль у ёй толькі адна кніга — затое якая! Вядзецца ні пра што меншае, як пра «Libido» Ільлі Сіна (Кнігазбор, 2018) — аповесьць, выданьне якой, паводле бальшыні крытыкаў, стала літаратурнай падзеяй мінулага года.

Увечары 22-га сакавіка ў менскай Галерэі TUT.BY былі ўрачыста абвешчаныя вынікі прэміі часопіса «ЛітРАЖ» за электронную і онлайн-літаратуру «Празрысты ЭОЛ». Рэдакцыя нашага часопіса сачыла за падзеяй адразу з трох кропак: з самой Галерэі (Уладзімір Глазаў), праскага абкама (Макс Шчур) і кіеўскай піўной (Сяргей Прылуцкі). Выніковая карцінка імпрэзы на перасячэньні гэтых трох пэрспэктыў атрымалася вельмі цікавай.

Выдавецтва “Галіяфы” распачало краўдфандынгавую кампанію па зборы сродкаў на выданне дзіцячай кнігі паэткі-фантазёркі Веры Бурлак. Прыблізна траціна грошай ужо сабраная, але часу застаецца ўсяго 23 дні, таму калі ты Літражу друх, то варухні сваёй патрыятычнай сракай і закінь на Улей дзясятку-дзве замест таго, каб іх прабухаць! Табе сюды.

Сябры! Тое, пра што так доўга бухцелі ў кулюарах «Гугл» робаты, а ў нэце карыстальнікі, зьдзейсьнілася! Ваш улюбёны літаратурны вэб-часопіс litrazh.org займеў новы сайт, з чым мы вас і віншуем. Гэта далося нам цаной вялікага поту, сьлёз, сопляў і папсаванай адзін аднаму дзеля вас крыві.

Беларуская Прага займела на адзін адрас болей! У леташнім сьнежні на вуліцы Korunní д. 48 адкрылася супэрстылёвая чаёўня-рэстарацыя «Mist» – гаспадары прызналіся, што прыдумалі назву, натхніўшыся аповесьцю Васіля Быкава «Ў тумане». Сёньня ўжо чытаньні белліту ў «Mist» ператварыліся ў добрую традыцыю і адбываюцца ў сярэднім раз на месяц.

Пакуль мы былі на зімовых вакацыях, прыйшла сумная навіна: 23 студзеня 2018 г. у веку 103 гадоў памёр Ніканор Парра, знакаміты чылійскі антыпаэт і бязбожнік, які адным зь першых у гішпанамоўнай літаратуры пачаў адкрыта сьцябацца з мадэрнізму й Высокай Паэзіі.

У выдавецтве «Янушкевіч» пабачыла сьвет кніга кароткай прозы нашага аўтара і рэдактара Макса Шчура «Галасы», у якую ўвайшлі 13 апавяданьняў, напісаных за апошнія  пяць-шэсьць гадоў, і аповесьць «Чалавек з футаралам». Тэксты кнігі ў сваёй бальшыні ня новыя для чытачоў нашага часопіса, але новыя як для нечытачоў, так і айчынных крытыкаў.

Выбітны польскі паэт Адам Загаеўскі атрымаў 20 кастрычніка ў Авіедо прэстыжную Прэмію прынцэсы Астурыйскай за літаратуру, сярод мінулых ляўрэатаў якой – Мар'ё Варгас Льлёса, Гюнтэр Грас, Артур Мілер, Кляўдыё Магрыс, Лэнард Коэн, Леанардо Падура і іншыя. «Паэзія Загаеўскага – разам зь ягонымі развагамі пра творчасьць і ягоным мэмуарным даробкам, – пацьвярджае этычнае пасланьне літаратуры і дазваляе ў ейным родным польскім гучаньні адчуць адзінства й разнастайнасьць заходняй традыцыі, люструючы адначасова і нягоды выгнаньня», канец цытаты з афіцыйнай фармулёўкі.

Ажно тры кнігі на чатырох мовах атрымала рэдакцыя “ЛітРАЖу” ў траўні. Перадусім, гэта беларуска-ўкраінскае дзецішча чэмпіёнаў па парным хвігурным вершаваньні Сяргея Прылуцкага і Алены Сьцепаненкі “Далоў дарослых!/ Геть дорослих!” http://books.lutasprava.com/index.php?route=product/product&path=60_63&p...