Буда Шак’ямуні

(Прыблізна 563 — 483 да н. э.) У перакладзе — «прабуджаны мудрэц з роду Шак’я», уласным імем Сідхартха Гаўтама, старажытнаіндыйскі філёзаф і аскет, заснавальнік будызму. Менавіта яму прыпісваецца аўтарства бальшыні вершаў («гатхаў») анталёгіі «Дхаммапада».

Пераклад:

Хто стрымае хвалю гневу,
быццам воз неўтаймаваны,
вазаком заву такога!
Рэшта — проста лейцы сьцяла.

Пераклад:

Быццам бурбалку пабачыў,
быццам мроя праляцела —
хто на сьвет глядзіць падобна,
той цару ня бачны сьмерці.